Чадыковонь 3-це чистэ Мордовиянь Технопарксо тешкстазь Мордовия Республикань Правительстванть ды Стратегической инициативатнень агентстванть ютксо вейсэнь важодемадо вейсладямо. Документэнть алов, конань коряс арсеви виевгавтомс регионсонть промышленной туризманть, кедьчелькест путызь Мордовия Республикань Прявтонть тевтнень топавтыцясь Артём Здунов ды «Агентство стратегических инициатив по продвижению новых проектов» АО-нь прявтось Светлана Чупшева.
Тешкстазель, неень шкане проектэнтень совамодо яволявтсть региононь зярыя компаният, производствань покш холдингтнестэ саезь вишка агропредприятиятнень видьс. Ламотнень уш ули туристэнь группань вастомань опытэст: те «Талина» ГМ-сь, «Ростр» предприятиясь, «Сармич» сырань пидемань заводось, Технопаркось,«Мордовия» ГТРК-сь, «Саранский» ликероводочной заводось, AB InBev Efes пивань теемань заводось.
Туристтнэнь примамонь опытэнть анокт тонавтнемс станкостроительной, приборостроительной, мебелень, суликань производстватнесэ. Туристэнь од маршруттнэ лездыть аволь ансяк кастомс регионсонть турпотоконть, истя жо лезэвстэ топавтомс производительтнень тевест эсест продукциянть шаштомань, деловой конакттнэнь ды сбытэнь каналтнэнь келейгавтомань, кадратнень профориентациянь ды анокстамонь коряс.
Мордовия Республикань Прявтонть пресс-службась