Евтан тенк седейшкавань поздоровт сехте мазый, лембе ды редявикс кенярксчинть – Тейтерь-авань раськеютконь чинть кувалма!
Ават, нить, бабат, тейтерть, патят-сазорт – минек вечкевикс ават, конатневтеме вейкеяк церась а мари эсь прянзо алкукс уцяскавокс.
Ансяк тынь маштадо истя вечкеме, чарькодеме, явомо мель, улемс превень путыцякс, ванстомс каштомолеманть сехте стака шкатнестэ. Тынь лездатадо тенек примамс прявт решениятнень.
Тынь сайтядо изнявкст карьерасо, касстадо эйкакшт, ультядо масторонь ды республикань эрямосонть. Башка сюкпря аватненень, конат сюлмизь эрямост вооружённой вийтнень марто, кие топавты минек масторонь обороноспособностенть, ули гуманитарной акциятнесэ ды лезды минек воинтнэнень.
Сюконятано сеттненень, кинь тетяст, мирдест, цераст, леляст-ялаксост ванстыть Тиринь масторонть, примить участия специальной военной операциясонть. Сюкпря тынк виенть кисэ те стака шкастонть.
Вечкевикс ават! Арсян тенк кеме шумбрачи, вечкема ды паро эрямо! Кенярксчи марто!
Мордовия Республикань Прявтось А. Здунов