Республикань мельвановикс эрицят!
Евтан тенк седейшкавань поздоровт Ураза-байрам кенярксчинть кувалма!
Те кенярксчись пряды Рамадан иневанькс ковонть – постонь кирдемань, паро арсематнень ды вадря тевтнень, оймень ванськавтомань ковонть.
Ураза-байрам – те кенярдомань ды семиянь ды ялгатнень ютксо вастовомань-кортамонь шка. Неть читнестэ эряви явомс лембе ды мель сеттненень, кинень те эряви.
Республикань мусульманской организациятне теить покш путовкс эйкакштнень тонавтомантень-превс путомантень, ялгаксчинь койтнень, культуратнень сюпалгавтомань виевгавтомантень. Тынь явтадо эрявикс гуманитарной лезкс СВО-нь участниктненень ды сынст семиятненень, кирдтядо минек соотечественниктнень од регионтнэстэ, ультядо республикасонть ютавтовиця мероприятиятнесэ, истя жо од ломаненсетнесэ.
Кадык те кенярксчись канды эрьвантень тынк ютксто шумбрачи ды паро эрямо, тынк кудось пешкеди часиядо. Тынк марто свал улезэ вечкемась ды малавикстнэнь кирдемась!
Кенярксчи марто, ялгат!
Мордовия Республикань Прявтось А. Здунов