Евтан тенк седейшкавань поздоровт Ураза-байрам кенярксчинть кувалма, конась тешксты Рамадан иневанькс ковонь прядовоманть – вадря арсематнень ды паро тевтнень, сэтьмечинь вечкемань ды мелень явомань ковонть.
Истят питнейчитне вейкетьстэ малавикст ды чарькодевикст Россиянть традиционной весе вероисповеданиятнень туртов, аштить шабратнень марто ялгаксчисэ ды чарькодемасо эрямонь юрокс.
Республикань мусульмантнэ улить минек региононь виевгавтомань весе тевтнесэ, лездыть Мордовиянь ды весе Россиянь раськетнень ялгаксчинь ды вейсэндямонь кемекстамонтень.
Те валдо кенярксчистэнть арсян минек ламо раськень республикань эрицятненень кеме шумбрачи, часия, сэтьмечи ды паро эрямо.
Мордовия Республикань Прявтось А. Здунов