Мелень важодемань цётавкстнэ даволковонь 10-це чистэ евтазельть Краснослободской енкссо - тесэ ютась депутаттнэнь советэнь итогонь сессиясь. Сонзэ важодемасонзо ульнесть Мордовиянь Прявтось Артём Здунов, МР-нь Прявтонь ды МР-нь Правительствань Администрациянь руководствась, министратнень кабинетэнтень совицятне, райононь предприятиятнень ды учреждениятнень руководительтне, СВО-нь участниктне ды общественниктне.
Эсь пачтямосонзо муниципальной образованиянь прявтось Иван Волков ёвтнесь прявт изнявкстнэде ды тешкстынзе сыця шкантень аравтлувтнень. Тешкстазель, башка мель ней явови СВО-нь участниктнень эрьва семиянтень лездамонтень. Те важодемась улезэ свалшкань. Спецоперациянь геройтнень ледстизь чатьмонемань минутасо.
Образованиянь вадрячинь кастомась ды од ломантнень марто важодемась – райононть туртов прявт тевтнестэ вейкесь. Иван Волков тешкстызе: эряви теемс весементь, од ломантне образованиянь получамадо мейле, велявтост тиринь енксов, теевельть тесэ семият. Краснослободской енксось зярыя иетнень перть сови од ломанень политикань коряс колмо лидертнэнь юткс. Вете иетнень перть культурань енксонтень явозь 90 млн седе ламо целковойть – районсонть строязь ДК, одкстомтозь велень культурань сисем кудотне. «Семья» нацпроектэнть лувсо поладови центральной библиотекань одкстомтомась, арсеви теемс од ломанень куншкакуро.
Райононь экономикантень вете иетнень перть путозь 2 млрд целковойтнеде седе ламо, малав 30% кассь МСП-нь ламочись. Краснослободской енксось - велень хозяйствань ды промышленной. Лувось кеме, зарплататне касыть. Мелят школатнесэ панжозь 14 агрокласт. Велетнень комплексной виевгавтомань программанть коряс сисем семиятненень максозь эрямонь кудот.
Нацпроекттнэнь ды федеральной программатнень вельде, конат важодить масторсонть Президентэнть Владимир Путинэнь мелензэ коряс одкстомтови свалшкане инфраструктурась: вете иетнень перть витнезь китнень 80 вайгельбеть, вадрялгавтозь общественной таркатне, строязь ведень ванськавтомань станция ды веденьнапорной башня.
«Краснослободской моданть лангсо вадря ёнов весе полавтоматне топавтовсть республикань руководстванть мелень явоманть вельде. Минь бажатано виевгадомантень. Вейкине командасо минь топавтсынек куш кодат тевтнень!» - мерсь Иван Волков.
Прявт ванновт ало - эйкакш марто семиятненень лездамось ды кувака эрямонть туртов условиятнень теемась. Мелят шумбрачинь ванстомань первичной звенань одкстомтомань коряс федпроектэнть лувсо педе-пев витнезь ЦРБ-нь лецямонь корпусось, рамазь медоборудования. Арсематне - покшт: лабораториянь корпусонть витнемась ды колмо ФАП-тнень путомась. Те весемесь сень туртов, штобу седе домкасто топавтомс эрицятнень диспансеризациянть ды шкастонзо редямс орматнень эрицятнень шумбрачист ванстомга. Покш мель - кода покш эрицятнень, истя жо од ломантнень репродуктивной шумбрачинтень.
«Неян вадря лув чачозь эйкакштнень ламочист коряс – тень эряви поладомс», - пшкадсь руководствантень ды райононь эрицятненень Артём Здунов.
Од ломанень куншкакуронь прявтось Роман Ланчин ёвтнесь од ломанень политиканть виевгавтомадонзо, тешкстызе грантонь важодемань эрявиксчинть. Уш улить изнявкст - од ломантнень проекттнэнь топавтомс явозь 8 млн седе ламо целковойть.
Мордовиянь Прявтось эсь кортамосонзо тешкстынзе ёнкстнэнь, конат вешить покш мелень явома райононь власттнень пельде. Васняяк те эсь доходтнэнь кастомась ды финансонь дисциплинань топавтомась. Районось малав 26 % кастынзе налогонь ды аволь налогонь пачтямотнень, арасть важодемань кисэ пандоматнень коряс долкт, просроченной кредиторской заложенностесь киртявсь нилеце пельксэс.
Зярс муниципальной образованиянть кадови республиканть икеле покш долкозо. Артём Здунов ледстизе, тевс нолдавить сонзэ каямонь ёнкстнэ ды Краснослободской райононтень эряви эрязасто нолдамс сынст.
Тешкстазель, районсонть топавтовить покш инвестпроектт, ансяк эряви поладомс бизнесэнть марто вейсэ инвестициянь од площадкатнень ды таркатнень муеманть.
Районсонть ЖКХ-нь объекттнэнь одкстомтомань кевкстематне истя жо аштить васенце таркасо. Те токши каладозь кудотнестэ одс эрицятнень ютавтоманть, азортомо сеттнень учетс путоманть, китнень витнеманть («Инфраструктура для жизни» нацпроектэнть ды «КРСТ» госпрограмманть лувсо 7 вайгельбетнень витнеманть ды одкстомтоманть). Тедеде педе-пев витневить кавто школат ды эйкакшонь вейке лагерь. Истя жо эряви строямс ванськавтомань сооруженият ды витнемс гидротехническойтнень. Редявикстэ вадрялгадсть экологиянь тевтне тесэ теезь шукшпрянь ванськавтоманть вельде.
Артём Здунов истя жо явсь мель эрицятнень туртов сэтьмечинь топавтоманть лангс – ведь лангсо улеманть, паломатнень а нолдамонть коряс (СВО-нь участниктнень семиятнень эрямо таркатнень ванномась, кирваземадо пачтямотнень, качамонь лисема таркатнень ванномась).
«Республикась енксонть карми кирдеме. Тесэ течи ламот министерстватнень руководительтне, мереви важодемань лувсо кортамс талновтыця кевкстематнень ды сынст витемань китнень-яннтнэнь», - прядызе сессиянть Мордовиянь Прявтось.
Мордовия Республикань Прявтонь Пресс-службась