Апрелень 8-це чистэ Мордовиянь Прявтось Владимир Волков вастовкшнось Саранскоень ды Мордовиянь митрополитэнть Зиновий марто.
Вастовоманть шкасто кортамось мольсь республикасонть духовной образованиянть виевгавтомадо, Саранскоень духовной училищанть семинариякс тееманть марто сюлмавозь кевкстематнеде. Владимир Волков эштё весть тешкстызе Мордовиясо духовной образованиянь ды сы шкань пастыртнень анокстамост туртов весе вийтнень путомань эрявиксчинть. «Светской ды духовной властенть прявт тевезэ – пештемс сы шкань семинариянть потмоёнксонь смустьсэ, храмтнэс ды приходтнэс саст истят священникть, конат кармить алкуксонь христиантнэнь эрямос ветицякс», – тешкстызе Владимир Волков.
Республикань Прявтонть мелезэ, конань сон одс ёвтызе вастовомасонть – республикась кирди митрополиянть бажамонзо ды карми явомо лезкс Саранскойсэ Россиянь духовной образованиянь куншкакуротнестэ вейкенть теемстэ, тесэ кармить анокставомо профессиональной священикть аволь ансяк эсенек, истя жо лия регионтнэнь туртов. Архиеересь евтась сюкпря региононь прявтонтень сеть вийтнень кисэ, конат путовить Мордовиянь эрицятнень духовно-нравственной содамочист кастомань тевсэнть.
Мордовия Республикань Прявтонть пресс-службась