Мордовиянь Прявтось Владимир Волков субутасто, даволковонь 8-це чистэ, ульнесь Саранскойсэ «Мира» эйкакштнень ды од ломантнень ёрокчист ды шкинемаст редямост ды виевгавтомаст туртов региононь куншкакуросонть, конась панжовсь "Педагог13.ру" педагогонь важодицятнень профессиональной ёрокчист республикань куншкакуронть юрсо. Мордовиянь прявтошсо сон пажозь «Образование» раськень проектэнь «Успех каждого ребенка» федеральной проектэнть лувсо. Сонзэ теемс явозь 215 млн целковойть, тесэ эйкакштненень максовить содамочить «Искусство», «Наука» ды «Спорт» ёнкстнэнь коряс.
Од куншкакуросонть 50 таркат, косо эйкакштне эрить, теезь столовой, спортивной зал, планетарий, ламо лабораторият, сынст ютксо – искусственной интеллектэнь ды инженерэнь систематнень, агробиотехнологиятнень (кавто теплица марто), фмзической исследованиятнень ды астрономиянь, цифровой производствань ды дизайнонь. Куншкакуросонть истя жо важодить кавто студият – литературань ды театрань шкинемань, раськень культурань. Спортонь зонасонть ули шахматонь зона, ЗОЖ-нь лаборатория, панжадо стадион ды тренажеронь площадка, греко-римской бороцямонь ды самбонь коряс занятиятнень туртов тарка.
ВУЗтнэнь, наукань куншкакуротнень ды предприятиятнень-партнертнэнь марто Куншкакуронь инфраструктурань вейсэнь важодемась лезды витемс региононь ды мсторонь экономикань стака проектэнь тевтнень зярыя сфератнесэ:
биотехнологиянь ды агропромышленной комплекс,
пок даннойть, цифровой производства ды информатизация;
неень шкань энергетика;
конвергентной тонавтома.
Куншкакуросонть тонавтыть Мордовиянь образовательной организациятнень ды ВУЗ-нь сехте вадря преподавательтне, тренерт ды спортсмент, культурасо важодицят, сехте вадря психологт, социальной педагогт, тьюторт, коучт.
Весемезэ иенть перть арсевить ютавтомс 10 сменат, тонавтома ютыть 500 ламо ломанть.
Куншкакуронть ванномадонзо мейле Мордовиянь Прявтось кавто чассто марто кортась тонавтыцятнень марто, он-лайн лувсо сыненст вейсэндявсть Ицялкань «Касомань точкатнестэ» тонавтомань площадкатне, Зубова-Полянань ёнкссто, Саранскоень школатнестэ, «Перспектива» образованиянь качествантень куншкакуростонть педагогонь коллективтне.
Владимир Волков тешкстызе, панжозь Куншкакуронть прявт тевекс ашти общеобразовательной школатнесэ тонавтомань уровнянть кастомась. «Эйкакштне ды тонавтыцятне, конат ютасть тонавтома ды одс анокстамо, невтест содамочист ды опытэст сеть школатнесэ, косо сынь тонавтнить ды важодить, истя жо – республикань районтнэсэ».
Диалогонть лувсо вастовомасонть кортавсть педагогтнень туртов прявт кевкстематне – тонавтыцятнень анокстамось ды сертификациясь, классной руководстванть кисэ доплататне, педагогонь опытэнть максомась аволь ансяк республикасонть, истя жо Россиянь уровнясо, «Земский учитель» программанть Мордовиясо топавтомась.
Истя жо кортавсть истят пшти кевкстемат, кода неень шкань тонавтницятнень сверхцифровизациясь, региононь Прявтось тень коряс мерсь: «Арсян, тонавтомань процессэнтень инновациятнень совавтоманть эряви теемс парсте арсезь. Эйкакштне иляст туе виртуальной мирс, тонавтыцятнень, эйкакштнень марто тонавтоманть а полавтсы кодамояк искусственной интеллект!"
Вастовоманть прядовомга республикань Прявтонть лемс сюкпрянь валт ёвтась вейке тонавтницянть тетязо-авазо. «Минь Рузаевкасто ды аштитянок мельспаросо, минек эйкакшось ды республикань ёроков весе эйдетне тонавтнить неень шкань, мазый, вадря Куншкакуросонть, муить тесэ вемельсэ арсицят, тонавтнить эсь тевсэ сехте вадрятнень пельде!»
Вастовомасонть ульнесть МР-нь Правительствань Председателень Полавтыцясь Галина Лотванова, МР-нь Образованиянь министрась галина Явкина, истя жо Иван Утешев, МФТИ-нь 4-це курсонь студентэсь, асторофизикань коряс Россиянь сборноень тренерэсь.
Мордовия Республикань Прявтонть пресс-службась