Владимир Волков вастневсь Саранскоень ды Мордовиянь митрополитэнть Зиновий марто

Владимир Волков вастневсь Саранскоень ды Мордовиянь митрополитэнть Зиновий марто

Таштамковонь 15-це чистэ Республикань Кудосо ютавтовсь Мордовиянь Прявтонть Владимир Волковонь ды Саранскоень ды Мордовиянь митрополитэнть Зиновиень важодемань вастовомась. Кортамось мольсь Мордовиянь митрополиянть ды властень органтнэнь вейсэнь тевтнеде. Васняяк, те – Феодор Ушаков иневанькс правденой воинэнть канонизациянь 20 иень юбилеесь, Мордовиянь митрополиянть ды, нама, Краснослободской ды Орданьбуень епархиятнень, панжомань чистэ кемень иетнень топодемась.

Вастовомасонть кортамось истя жо мольсь регионсонть эпидемиологиянь тевтнеде ды коронавирусонь инфекциянь профилактикань кевкстематнеде. Теде башка, кортамо ветявсь Саранскоень Духовной Семинариянть седе тов виевгавтоманзо коряс.

Мордовия Республикань Прявтонть пресс-службась