Мордовиянь школасо тонавтницясь Кирилл Данилов лись изницякс «Иень тонавтниця-2017» пелькстамонь регионъютконь этапсонть. Од ломанесь кармась сехте вадрякс Россиянь 26 региононь представительтнень ютксо.
«Кирилл Даниловонь изнявксось невти, республикасонть маштыть важодеме ёроков эйкакштнень марто. Меельце иетнестэ Мордовиянь школасо тонавтницятне свал лиснить изницякс весероссиянь ды раськеютконь интеллектуальной пелькстамотнесэ, минек тонавтнемань зярыя заведениятне совить масторонь сехте вадрятнень юткс.
Вадря опытэнть эряви невтемс минек весе школатнесэ, кепедемс тонавтомань уровнянть», - тешкстызе Мордовиянь Прявтось Владимир Волков.
Кирилл Данилов невтизе Саранскоень 20№ гимназиянть, тосо тонавтницятне уш зярыя иеть невтить покш результатт эрьва кодат пелькстамотнесэ.