Промкссонть кортавсть Россиянь Президентэнть В.В.Путинэнь ушодксонзо топавтомась, конат аравтозь 60 иесэ ды седе сыре цёратненень ды 55 иесэ ды седе сыре аватненень регионсонть явовиця социальной лезксэнь улиця мератнень ванстомадо. Мордовия Республикань Государственной Собраниянь Председателесь Владимир Чибиркин ёвтнесь региононь прявтонтень сеть мельтнеде-арсематнеде, конатнень «Единая Россия» партиянь парламентэнь фракциясь бажи совавтомс депутатнэнь ванномас МР-нь Государственной Собраниянь маласо сессиясонть. Кортамось моли Президентэнь кармавтоматнень топавтомань законодательной механизмадонть. Владимир Волков кармавтсь региононь правительствань министерстватненень ды ведомстватненень домкасто ванномс депутонь корпусонть марто неть механизматнень.
Промкссонть ульнесть – Мордовиянь Правительствань Председателесь Владимир Сушков, социальной блоконь министратне.
Мордовия Республикань Прявтонть пресс-службась