Истя, кортавсь регионсонть шумбрачинь киртязь возможность марто эйкакштнень туртов чить улемань куншкакуронь теемань возможностесь. Истят куншкакуротне кармить лездамо семиятненень, косо кастовить эйкакшт-инвалидт. Эйкакшось карми улеме ванновт ало се шкастонть, зярдо тетятненень-аватненень эряви витемс кодаткак кевкстемат.
Тешкстазель, эйкакшонь прявт праватне – те эрямонть ды семиянть лангс правась. Наталья Юткина евтнесь, меельце кемень иетнень перть малав 25 тежат эйкакштне печтясть тетяст-аваст явома: «Сеедьстэ семиятне каладыть пек стакасто, ды эйкакштне ваныть неть тевтнень мельга. Мордовиясо лавшосто виевгавтозь медиациянь службась – аволь ансяк психологической лезксэнь коряс, истя жо енкстнэнь ладямосо лезксэнть коряс». Тень кувалма эйкакшонь омбудсменэсь евтась мель теемс медиациянь служба, истя жо теемс медитативной лезксэнь нупальть ЗАГСтнесэ ды райононь судтнэсэ.
Теде башка, Артём Здунов ды Наталья Юткина кортасть соцподдержкань тевтнеде, истя жо орфанной генетической орматнень марто эйкакштнень туртов. Кортамось истя жо мольсь нормативно-правовой документтнэнь одкстомтомадост, конат токшить уроз-эйкакштненень ды эйкакштненень, конат кадовсть тетяст-аваст ванновтомо, пандоматнень.
Мордовия Республикань Прявтонь Пресс-службась