Мелят службань структурной подразделениятнесэ ульнесть 500 тежадо седе ламо исполнительной производстват – те 22 тежадо седе ламо икелень невтевксэнть коряс.
Александр Пеунков тешкстызе, ютазь шкань невтевкстнэнь коряс масторонь бюджетэнь системантень пачтязь 523 млн целковойть, сынст ютксто 360 млн целковойть – те налогт.
«Вадря невтевкст удалась топавтомс исполнительной производстватнень социальной эрявикс категориятнень коряс. Истя, эйкакштнень лезэс пандозь 428 млн целковойтнеде седе ламо алиментт. 26 млн целковойтнеде седе ламо пандовтозь долкт зарплатань коряс – те категориянть коряс невтевкстнэ киртявить сень кувалма: республикасонть целанек аламолгадыть зарплататнень аволь шкастост пандомань покшолматне», – евтнесь Мордовиянь прявт судебной приставось.
Мелят Управлениянь сотрудниктне топавтсть 11 тежадо седе ламо судебной заседаниятнень ютавтомань кемекстазь лув. Ведомствась вети редявикс важодема коллекторонь организациятнень тевдеемаст контроленть лувсо – эрицятнень пельде састь 130 пеняцямот истят организациятнень аволь правомерной тевдеемаст коряс.
Тешкстазель, ютазь иень важодемань невтевкстнэнь коряс республикань УФССП-сь изнясь «Лучший территориальный орган Федеральной службы судебных приставов» лементь лангс ванномасонть-пелькстамосонть масторонь эсь категориянь регионтнэнь ютксо.
Мордовиянь Прявтось макссь вадря питне ФССП-нь региононь Управлениянтень. Сон тешкстызе, эряви поладомс уполномоченной органтнэнь марто вейсэнь тевдееманть ды топавтомс тевть важодемань лезэвчинь кастоманть коряс.
Мордовия Республикань Прявтонь Пресс-службась