Китькстасаськ, што минь регионнеконь и Тунисть уже сотнесазь партнеронь соткст. Странань сборнайсь футболть коряс миронь Чемпионатть пингста ётафтозе мачнень эзда фкять Мордовияса. Тяда башка, ули сотрудничества колга соглашения М.Е. Евсевьевонь лемса пединститутть и Тунисско-Российскяй мишендемань-промышленнай палатать ёткса, сонь видесонза Мокшэрзянь педуниверситетть тонафтыенза вятихть тонафтома рузонь кяльти Тунисонь панжада образованиянь центраса.
Артём Здунов нюрьхкяняста азондсь республикать колга. Колма пялькста лама валовай региональнай продуктта сашенды промышленность лангс, оцю инновационнай продукциянь долясь. Мордовиясь – ЕврАзЭС-са тяка регионсь, коса серийна ноляйхть оптическяй волокна. Тяда башка, 10% эрь кодама назначениянь кабельда ноляви регионса. Мордовиясь – лидер фармацевтикань и грузовай машиностроениянь областьса, нинге сельскохозяйственнай республика и фкясь Россиянь лидерхнень ёткста органическяй продукциянь нолдамать коряс.
Ульсь китькстаф, што ётай кизоть Мордовиянь фкя предприятиясь уже тиендсь Тунису поставкат - ООО «Кабельные системы»- сь кучсесь оборудования композитнай арматураста сеткань тиеманди и емла давлениянь полиэтилен. Уликссь касомань точкатнень эзда – взаимнай товарооборотонь, марс арьсеви инвестиционнай проектонь эряфс нолдамась и научнай и образовательнай сотрудничествань активизациясь.
«Тевонь вяти кругнень и туристтнень Тунисста тернесайнек самс минь инжиень кельги республиказнок, и надиян, што минь доверительнай и ялгань отношениянеке лездыхть сяда товолдонь российско-тунисскяй взаимодействиять касфтоманцты-виияманцты», - мярьгсь Мордовиянь Оцюнясь.
Обсужденияса примасть участия РМ-нь Правительствать Председателенц полафтыенза Наталья Таркаева и Батыр Эмеев, РМ-нь промышленностень, наукань и од технологиянь министрсь Игорь Губайдуллин, РМ-нь экономикань, мишендемань и предпринимательствань министерть и.о.-ц, тунисскяй товаронь экспортть коряс продвижениянь центрать представителец Хела Ханнаши, а тяфта жа «Верстакофф» компаниять руководителец.
Мордовия Республикань Оцюнять пресс-службац