Сянь колга, што сай недялять ули лувф Мордовиянь Оцюнять Государственнай Собранияти эрь кизонь Посланияц, Артём Здунов пачфтсь 18 декабрьста.
«Сай недялять тейнек сави ётафтомс лама оцю мероприятия. 21 декабрьста мярьгомазень коряс кармай Мордовиянь Правительствать Председателенц Госсобраниянь депутаттнень инголе отчётоц, а 24 декабрьста мон арьсекшнян лувомс эрь кизонь Посланиять», - азозе региононь вятись. - Сембе материалхне Посланияти аноклавсть марса общественностть, бинес-сообществать мархта, сяс мон эняльдян, штоба тя мероприятиятненди тердевольхть оцю предприятиянь, общественнай организациянь, Общественнай палатань, аф коммерческяй секторонь вятихне».
Тяка пингть Артём Здунов азозе: регионца тевс сувафтфт кардамат эряфкшуфнень залса улеманкса, тя эвондафни пелькс синь шумбрашиснонды. Тя ломаттненди и республикань сембе эряйхненди Мордовиянь Оцюнясь мярьгсь ладямс прямой трансляция телеканалхнень эса и Интернетса. «Катк сембонь кармай возможностьсна кулхцондомс и максомс кизефкст, азомс эсь мяльснон-арьсемаснон, сембось сявови мяльс», - китькстазе республикань вятись.
Мордовия Республикань Оцюнять пресс-службац