19 апрельста Мордовиянь Оцюнять аф лама пингс тевонзон тиендисна Артём Здунов етафтсь рабочай васедема «Совет муниципальных образований РМ» Ассоциациять председателенц Вячеслав Цыбаковонь мархта.
Артём Здунов китькстазе ломаттненди муниципальнай властть башка вастонц: ламоц кизефксне, конатнень эзда ащи граждаттнень эрь шинь эряфсна, решандакшневихть именна местнай самоуправлениянь оргаттнень уровеньца, синь работаснон коряс ломаттне арьсихть властть колга целайнек. Тяниень пингть Ассоциациясь вятьсы республикать территорияса 272 муниципальнай образованиять работаснон.
Мольфтеви работа местнай самоуправлениять виияфнеманц коряс Всероссийскяй ассоциациять мархта, марса МР-нь Оцюнять Администрациянц мархта етафневихть семинархт законодательствань тяниень пингонь кизефкснень коряс. Ассоциациясь ащи сотни звенакс инь таколфты кизефкснень решандамаса муниципалитеттнень и региональнай властть еткса.
Рабочай васедемать пингста корхтафоль организациять виияфнеманц колга, ванфтольхть районнай и велень уровенень муницпальнай службать прябаланза.
Мордовия Республикань Оцюнять пресс-службац