Мордовиянь Оцюнять аф лама пингс тевонзон тиендисна Артём Здунов 11 майста васетькшнесь Татарстан Республикань премьер-министрть заместителенц, «Всемирный конгресс татар» Международнай союзонь Национальнай советть председателенц, 2022 кизонь велень Всероссийскяй Сабантуйть етафтоманц коряс оргкомитетть сопредседателенц Василь Шайхразиевонь мархта. Корхтафоль Мордовияса 2022 кизоня велень Всероссийскяй Сабантуйть етафтоманцты анокламатнень колга.
Васедемать ушедомста Мордовиянь Оцюнять аф лама пингс тевонзон тиендисна азсь Татарстан Республикань сембе эряйхненди ризнамань валхт Казань ошень гимназияса зиянть инкса, коса ляцендемать сюнеда шавовсть шабат и тонафнемань заведениянь сотрудникне. «Минь ризнатама марса мархтонт», - мярьгсь Артём Здунов.
Мордовия Республикань Оцюнять пресс-службац