30 сентябрьста Москуса Мордовиянь Оцюнясь Артём Здунов васетькшнесь жилищно-коммунальнай хозяйствать одкстоптомаса лездомань Фондть вятиенц Константин Цицинонь мархта.
Ванфоль лама кизефкс, конат сотфт ломаттнень аварийнай эряма вастста ётафтомаснон, регионца ЖКХ-нь системать одкстоптоманц коряс марстонь покодемать мархта.
Ванфоль, кода республикаса ётафневи эряфс «Жильё и городская среда» нацпроектонь «Обеспечение устойчивого сокращения напригодного для проживания жилищного фонда» федеральнай проектсь.
Азфоль: федеральнай проектть эряфс ётафнеманц мяльса кирдезь регионца арьсекшневи ётафтомс 5 тёжятть ломань, конат эряйхть лама квартирань 417 аварийнай кудса. Программать марстонь питнец 3,73 миллиард цалковай, эздост ЖКХ-нь Фондть средстванза – 3,37 миллиард цалковай.
Мордовиясь сувась субъекттнень лувксс, конат арьсекшнихть шумордамс аварийнай эряма вастста ётафтомань программать пингта инголе – 2023 кизоть аделавомс.
2017 кизонь 1 январьда меле республикать территорияса муфтольхть ни лама квартирань аварийнай кутт, марстонь площадьсна конатнень 26 тёжяньда лама квадратнай метра. Эсост эряйхть 1 752 ломань.
Тяда башка, ширетне корхтасть лама квартирань куттнень марстонь имуществаснон петемаснон колга, тяконь лувксса тяниень пингонь энергиянь ванфты технологиятнень тевс нолязь.
Стане жа ванфтольхть кизефксне, конат сотфт коммунальнай инфраструктурать одкстопнеманц мархта. Тяниень пингть тянкса национальнай благосостояниянь фондста арьсекшневи нолдамс 150 миллиард цалковай. Ярмаконь лезкссь кармай максовома 25 кизос льготнай условияса. Мордовиять эзда максф ни заявка 17 проектть эряфс ётафтоманкса. Тяконь лувксса, Ялга посёлкаса теплоснабжающай объекттнень одкстоптоманкса, коса ётай уштомань пингть лиссь аф фкя авария.
Нинге фкя проектсь – Саранскяйть Юго-Западнай пялькссонза канализационнай сетьтнень реконструкциясна. Проектть эряфс ётафтоманкса нолдави пяле миллиардта лама цалковай.
Васедемаса ульсть Мордовиянь Правительствать оцюнянц полафтыенц тевонзон тиендисна Инсаф Хайруллин и МР-нь Правительствать оцюнянц полафтыенц – ЖКХ-нь, энергетикань и населениять гражданскяй ширде араламанц коряс министрть тевснон тиендисна Игорь Чадов.
Мордовия Республикань Оцюнять пресс-службац