Мордовиянь Оцюнясь Артём Здунов 24 ноябрьста ётафтсь пуромкс Правительствав сувсихнень мархта. Корхтафоль инвестициятнень водендакшнемаснон и покодемань од вастонь панчсемать колга.
Азфоль: тяниень пингть республикаса работафтома лятфнень лувкссна пцтай 3,5 тёжянь ломань (2021 кизонь 1 январти ульсь 11 тёжянь ломань).
Мордовияса аноклаф инвестициятнень водендакшнеманкса план, конань мяльса кирдезь 2024 кизоть самс арьсекшневи ётафтомс эряфс инвестициянь 161 проект, тяконь лувксса 67 проект – бюджетнай ярмакнень и 94 проект – аф бюджетнай ярмакнень вельде. Тя инвестпроекттне максыхть панжемс покодемань 5800 васта. Азфоль: тяддень вейхкса ковста панчф покодемань 653 од васта – тя инголясыне плановай показательхнень.
Республикань Оцюнясь мярьгсь: сембе министерстватненди сяда оцю мяль шарфнемс грантонь конкурсненди. «Гранттнень сатнесазь общественнай организациятне, конатненди ули кода тя ярмакнень лангс панчсемс покодемань вастт. Эряви лезнемс теест аноклакшнемс тя гранттненди заявкатнень, сатнемс синь – вдь тя стане жа ломаттненди покодема вастонь макссема!» - мярьгсь Артём Здунов.
Мзярс Мордовиясь грантонь конкурснень эса улемать коряс лядонды лия региоттнень эзда, ули кода водендакшнемс ламонь-крда сяда лама федеральнай ярмак.
Мордовиянь Оцюнясь мярьгсь виияфнемс аф формальнай заняфшить и «уле» зарплататнень каршес тюремать, конат каннихть карьхцьт республикань бюджетти.
Мордовия Республикань Оцюнять пресс-службац