Мордовия Республикань Оцюнять аф лама пингс тевонзон тиендисна Артём Здунов кемокстась Указ, конань мяльс сявозь ладяфт специальнай социальнай пандомат МР-нь здравоохранениянь государственнай учреждениянь работникненди, конат заняфт коронавируснай инфекцияса сярядихнень пчкафнемаса. Специальнай социальнай пандомат ладяфт стимулирующай пандоматнень вастс. Специальнай социальнай выплататнень лувкссна ванфтф и лангозост аф путови налог. Стане жа ванфтфт здравоохранениянь государственнай учреждениянь работниконь категориятне, конат получасазь пандоматнень. Дополнительна тя выплататнень кармайхть получамост МР-нь здравоохранениянь государственнай учреждениянь сотрудникне, конат макссихть одувонди аф кадондови медицинскяй лезкс.