Соглашениясь лезды тиемс самботь регионца сяда содафокс и виияфнемс республикать и всероссийскяй федерациять ёткса сотрудничендамать.
«Тейнек важна водендакшнемс ломаттнень спортонь любой виттненди. Но самбось виияфни аф аньцек физическяй ширде, но и кемокснесы ваймоть», - мярьгсь Артём Здунов.
Россиянь самбонь федерациять председателец азондсь региоттнень эса спортонь тя видть виияфнеманц колга, шарфтсь мяль «Самбо в школы» проектть эряфс ётафтоманцты.
«Эряви, штоба регионца улель самбонь централизованнай школа, кона пуропнельхцень аф аньцек спортсметтнень, но и лезнель касфнемс тренерхнень маштомошиснон», - мярьгсь Сергей Елисеев.
Мордовиянь Оцюнясь стане жа отмечазе спортса тренерть роленц: «Кивок аф содасы шабать, подросткать тренерть коряс сяда лац. Наставниксь няендьсыне подопечнаенц эса анцяй полафткснень. Дисциплинась эряви, и спортсь лезды сатомс сонь».
Артём Здунов и Сергей Елисеев корхтасть регионца самбонди инфраструктурать виияфнеманц, уликс спортивнай сооружениятнень материально-техническяй базаснон цебярьгофнеманц колга. Азсаськ, што самбонь региональнай федерациясь пуроптф Мордовияса 2005 кизоня. Ниле детско-юношескяй спортивнай школатнень эса Зубово-Полянскяй, Рузаевскяй, Торбеевскяй районца и Саранск ошса эряфс ётафневихть дополнительнай общеобразовательнай программат. Спортивнай анокламать мольфтьсы А.В.Мишинонь лемса спортивнай бороцямань и дзюдонь СШОР-сь. Саранскяень кота общеобразовательнай школатнень эса «Самбо в школе» проектть мяльса кирдезь, эряфс ётафневи «Самбо в вузы» всероссийскяй проектсь.
Республикаса 728 спортсменць занцихть пря самбоса, 190-ть ёткстост ули спортивнай разрядсна, вететне – спортонь мастеронди кандидатт. Эрь кизоня республикаса ётафневихть В.И.Брыковонь лятфнеманкса самботь коряс межрегиональнай турнир, самбонь всероссийскяй ши, Мордовия Республикань чемпионат и первенства. Мордовиянь самбисттне арсесть сяськикс и призёркс Приволжскяй федеральнай округонь и всероссийскяй пялькстомаса.
Мордовия Республикань Оцюнять пресс-службац