Мордовиянь Оцюнять аф лама пингс тевонзон тиендисна Артём Здунов 16 январьста Темниковскяй району рабочай поездканц рамкаса макссь оценка ошень поселениять благоустроендаманцты. Темниковскяй райононь оцюнясь Сергей Кизим азозе, што 2018 кизоня Мордовиянь инь сире ошсь лиссь сяськикс комфортнай ошень средань проектонь Всероссийскяй конкурсса «Малые города с численностью населения до 10 тысяч человек» номинацияса и получась 30 миллион цалковаень лувксса грант федеральнай бюджетста. 2019 кизоня эряфс етафтф ошть центральнай пяльксонц, тяконь лувксса культурань и ваймосемань паркть, Славань аллеять, Од ломанень аллеять, центральнай площадть благоустроендамаснон коряс Темниковскяй ошень поселениять проектоц.
2019 кизоня Темниковскяй ошень поселениясь тага арась конкурсонь сяськикс, получамок 50 миллион цалковай Советскяй Союзонь Геройть С.В.Астраханцевонь лемса паркть благоустроендаманкса. Благоустроендаманкса территориясь кочкафоль ошеряйхнень мяльсно-аресемаснон мяльс сявондезь. Мордовиянь Оцюнять аф лама пингс тевонзон тиендисна ваймосеманди сай пингонь зонать ваномста корхнесь темниковецнень мархта. Грантовай поддержкань средстватнень вельде тяса тиеви ваймосеманди и спортса прянь занцеманкса лама васта, идень и канатнай паркт, кафе, беседкат и гриль-куднят. Проектсь ули етафтф эряфс тядде. Артём Здунов кирдезе муниципальнай образованиять ошень территориятнень благоустроендамаснон и тяниень пингонь инфраструктурать тиеманц коряс инициативанзон.
Мордовия Республикань Оцюнять пресс-службац