Артём Здунов 17 апрельста Дубенскяй району рабочай поездканц пингста ванозень дорожнай строительствань объекттнень. Тядде районца пачфтевихть нормативнай состоянияс кинь несколька участкась и седсь.
Тяфта, «Безопасные и качественные автомобильные дороги» национальнай проектть рамкаса тиевихть ремонтнай работат автомобильнай кить, кона сотнесы Атяшева поселкать Дубенки велеть мархта, колма участканзон эса.
МР-нь Оцюнять аф лама пингс тевонзон тиендисна стане жа ванозе Ардатово велеса Ахматовка ляйть туркс строяви седть. Лятфтасаськ, 2018 кизонь октябрь ковста сон срадсь.
Тяниень пингти ладяфт ни од опорат, шумордаф пролетнай строямась. Тядде шумордави полотноть ладямац, ладявихть барьернай и перильнай перяфкст. Проектть питнец 30 миллионда лама цалковай. Нолдамс движениять седть эзга арьсекшневи 25 майда меле.
Артём Здунов кошардозень строительхнень, штоба работатне улельхть пяшкотьфт цебярь качестваса. «Тяфтама объекттне эрявихть стройсемс цебярь качестваса и лама кизонди. Аньцяй эльбятькссь может вятемс сянди, што объектть сави строямс оду. Тянь нолдамс аш кода», - китькстазе Артём Алексеевич.
Мордовия Республикань Оцюнять пресс-службац