Артём Здунов ушедозе васедемать республикать колга азондомаста, пачфтсь сонь социально-экономическяй эсь лацонь ширензон колга. Мордовиянь руководительсь отмечазе сонь цебярь географическяй расположениянц, лама спортивнай объектонь улемать, келиста ащи машина китнень. Республикань Оцюнясь китькстазе: спортивнай объекттнень лувксснон коряс Мордовиясь занцесы 1 вастть Россияса.
Тяда башка, регионць кирдьсыне лидеронь позициянзон светотехникать производстванц коряс, фармацевтикаса (коронавирусть каршес препараттнень ламошкасна нолявихть Саранскяйса), велень хозяйстваса, образовательнай и научнай тевса. Аф ваномок аф оцю заработнай платать лангс, потребительскяй корзинать питнец Мордовияса сембода уцезсь Приволжскяй федеральнай округса. Кризисонь условиясовок республикась лядонды Россиянь колма инь вии региоттнень лувксса промышленно-гражданскяй строительствань темпнень коряс.
«Сколково» клубонь участникне азсть мяль примамс участия Мордовиять экономиканц и инфраструктуранц виияфнемаса. Тяфта, республикань Оцюнясь кулхцондозень предложениятнень «Мордовия Арена» стадионть управлениянц, «Ёню ош» системать келепнеманц, велень хозяйстваса очистной сооружениятнень работаса новаторскяй метоттнень коряс.
Мордовия Республикань Оцюнять пресс-службац