Котоце созывонь Мордовия Республикань Государственнай Собраниясь шумордакшнесы эсь покодеманц. 14 сентябрьста ётась мекольце, ведьгемонь вейхксыеце сессиясь, сонь покодемасонза ульсь Мордовиянь Оцюнять аф лама пингс тевонзон тиендисна Артём Здунов.
Сувафтфтольхть полафткст уликс законодательствати. Ётксост «Организациятнень имуществаснон лангс налогть колга» МР-нь Законць. Васендакиге документсь лезды кирдемс ширеснон организациятнень, конат заняфт симоманди и промышленнай вешфкснень пяшкотькшнеманкса ведень пачфнемаса.
Народнай избранникне фкя мяльса максозь вайгяльснон «О регулировании отношений в сфере организации и проведении капитального ремонта» Законти полафтксонь сувафтоманкса.
Стане жа дупутаттне максозь вайгяльснон «О регулировании земельных отношений на территории Республики Мордовии» Законти полафтксонь сувафтоманкса. Документть мяльс сявондезь, сятнень лувксс, кинь ули правасна питнефтома получамс модань участкат, сувафтовсть медикне, конат ётасть покодема вели.
Тиемок итокт вете кизонь покодемати, МР-нь Госсобраниять Председателец Владимир Чибиркин азозе, што депутаттне маштозь трудендасть социально-экономическяй ламоц кизефкснень пяшкотькшнемаснон коряс, примсесть республикати эрявикс закотт. Сон сюконясь покоди ялганзонды работанкса.
- Лувондса, што МР-нь Госсобраниянь депутаттнень, МР-нь Правительствать и МР-нь Оцюнять Администрациянц ёткса ладяфоль цебярь покодема. Минь ётафтоме 59 сессия, конатнень пингста ванфоль 721 кизефкс. Примафоль 506 закон и 598 постановления, ванф Федеральнай Закононь 4834 проект. Минь ётафнеме публичнай слушаният, семинархт, пуроптоськ «Од депутатонь школать». Сюконян теенть покодеманкса, - мярьгсь Владимир Чибиркин.
Мордовиянь Оцюнять аф лама пингс тевонзон тиендисна Артём Здунов кошардозень депутаттнень ванфнемс лац ладяф покодемать региононь парламентть и властень исполнительнай оргаттнень ёткса.
- Тя пингста, мзярс минь покодеме марса, мон фалу марьсине, што работатама фкя командаса. Пяк курокста пяшкотькшневсть задачатне. Мялезе, штоба тяфта улель сяда товолдонь созыфнень пингстовок», - мярьгсь Артём Здунов.
Мордовиянь лидерсь азозе, што лац ладяф марстонь покодемать вельде, апак ватт финансовай ширдень сембе тапоркснень лангс, республикаса ашезь лоткафнев строямась, а стане жа водендафтольхть дополнительнай ярмакт.
Сессиять шумордамста максфтольхть государственнай казнет. Славань II степенень Орденца казьф Госсобраниянь социальнай политикать коряс Комитетть оцюняц Рафаиль Аширов.
«Известия Мордовии»