«Мордовагромашсь» ноляй велень хозяйствань прицепной машинань козя ассортимент, производительть цебярь репутацияц аф аньцек Россияса, но и маластонь омба масторонь странатнень эса (Казахстанца, Молдоваса, Киргизияса). Заводти нинге фкя важнай направлениякс ащи автомобильнай прицепонь нолямась.
Предприятиять генеральнай директороц Геннадий Громов азозе, што продукциянь од виттнень арьсемасна и тевс сувафнемасна мольфтеви фалу. Мелянь кизоть коряс техникань мишендемась васенце кварталть арась 110 процент.
Тяниень пингть предприятияса покодихть 250 ломань, средняй заработнай платась 40 тёжянь цалковай. Сварщицась Наталья Горина, конань мархта корхнесь Мордовиянь Оцюнясь, азозе, што 17 киза макссь эсь рабочай специальностенцты, кона лезни теенза трямс семьянц – авась получай 50 тёжяньда лама цалковай. «Меля зарплатась предприятияса касфтфоль 129 процентта», - мярьгсь заводть директороц.
Китькстафоль, што санкциянь условияса предприятиятненди пяк важна ванфтомс сембе производственнай цепочкатнень.
Республикань руководительсь марса Мордовиянь Правительствань Председательть васенце заместителенц Игорь Фрейдинонь мархта ванозь производствать, макссть оценка «Мордовагромаш» заводть од партнерса вешфксонцты, ванозь предприятиять сяда товолдонь загрузканц коряс платтнень. Тя кизефкснень ваномаса примась участия Саранск ошень округонь оцюнясь Игорь Асабин.
Мордовия Республикань Оцюнять пресс-службац