Мордовиянь Оцюнясь Артём Здунов 19 февральста васетькшнесь «Доктор рядом» компаниянь представительхнень мархта. Компаниясь максси телемедицинскяй услугат. Корхтафоль Мордовияса региональнай телемедицинскяй центрань панжемань возможнотть колга.
Компаниять генеральнай директороц Денис Швецов азозень предложениянзон сянь коряс, кода обеспечендамс региононь эряйхнень отечественнай специалисттнень мархта аноклаф технологическяй платформать видеса медицинскяй телеконсультацияса. «Доктор рядом» - тя лицинзированнай медицинскяй компания, минь платформасонк прием мольфтихть 30-нь специальностень 1000 лама врачсь, синь консультациясна арайхть доступнайкс Мордовиянь сембе эряйхненди, тяконь лувксса ичкоздень велетнень эсовок», - азозе сон.
Стане жа ули возможность подключандамс республикань инь цебярь врачнень тя телемедицинскяй платформать эса работати, тянкса эряви аньцек Интернету доступ.
Мордовиянь Оцюнять аф лама пингс тевонзон тиендисна макссь поручения региональнай кабминти арьсемс азф сотрудничендамань варианттнень коряс.
Мордовия Республикань Оцюнять пресс-службац