27 октябрьста Мордовиянь Оцюнясь Артём Здунов ётафтсь рабочай совещания «БиоАгро» группать вятиензон мархта. Корхтафоль республикаса РФ-нь АПК-ти микробиологическяй препаратонь производствать панжеманц коряс марстонь работать колга.
Тя производствать оцю значенияц, сявондемок мяльс органическяй земледелиять, конань коряс странасонк примаф башка закон. Тяниень пингть, кода мярьгондихть специалисттне, питаниянь органическяй продукцияти вешфксть касондоманкса касыксонь араламань биологическяй средствань мастор лангонь рынкась касонды 15 процентта кизоста, тяконь лувксса Россиясовок.
Мордовиянь Оцюнясь макссь поручения республикань Минсельхозти тонафнемс няфтьф проектть и азомс кит-ятт сонь эряфс ётафтоманкса.
Мордовия Республикань Оцюнять пресс-службац