Ульсь китькстаф, што илать потмоса ётни лама мероприятия. Фкясь прявкснень эзда ётай 18 апрельста «Россия» выставка-форумса – тя и тев мельге васедемат, концертт, мастер-класст, выставкат, марстоптфт фкя темаса – «Мордовские языки в информационном пространстве».
Шумбракстомок васедемань участникнень, Артём Здунов мярьгсь: «Мялезе азомс теентть оцю сюкпря сянкса, што тинь покодтяма эхянь питнить, мезе ули минь эряфсонк, мархта – минь кяльнеконь, минь культуранеконь, минь иднеконь. Тейнек пяк важна, што Мордовиять ули соньцень афкуксонь илац.
Мордовиянь Оцюнясь китькстазе: пичефти ся, што тяниень пингть национальнай факторсь ламоцнень мархта «налхкови» Россияти аф паронди – появакшнихть радикальнай национальнай организацият, конат тяряфнихть шарфтомс виде киста од ломаттнень. «Минь задачанеке – марса максомс тейст отпор!» - китькстазе регионтть руководителец.
Национальнай направлениятнень коряс покодемась моли эрязста – тиф регионса национально-культурнай центрань сеть, ладяф покодемась мокшэрзянь землячествать мархта, федеральнай грантовай кирдемать коряс нолявихть тевс ламоц региоттень мархта марстонь проектт. Мокшэрзянь народтть Межрегиональнай общественнай организациять инициативанц коряс арьсеф и нолдаф эряфс «Сохранение и развитие национальной культуры, государственных языков Республики Мордовия» государственнай программась. Тядянь-алянь кялень ванфтомать эса прявкс васта занци образованиянь системась – синь тонафневомасна сувафтф республикань сембе школатненди.
Мокшень и эрзянь кяльхнень продвиженияснон коряс общественнай организациятнень эса азондсь мокшэрзянь Межрегиональнай общественнай организациять председателец Юрий Мишанин. Тя целай ряд эрявикс мероприятия – «Шумбрат» илась, «Поющее дерево» фестивальсь, «Мы вместе» мокшэрзянь од ломанень межрегиональнай форумсь и лиятне. Тя направлениять коряс покодемати сувафтфт аф аньцек школатне, но и ВУЗне, СМИ-сь,театратне. Тянь ёткса улихть и прябалатка - кадрань аф сатомась, сембода пяк сонь марясы СМИ-сь, а тяфта жа национальнай кялень содамашись и сонь тевс нолдамац профессиональнай сфераса.
Октябрьста Саранскяйса ётай мокшэрзянь народтть Межрегиональнай общественнай организациянць 8-це съездоц. Сонь темац – мокшэрзянь народтть консолидацияц тяниень пингонь условиятнень эса, мокшэрзянь семьятнень койсна-обуцясна. Учеви 500 делегат пцтай пяле странань регионцта. Юрий Мишанин пшкядсь республикань Оцюняти эняльдема мархта – арамс съездтти анокламать коряс оргкомитетти оцюнякс. Мордовиянь Оцюнясь аняльдемать пяшкодезе и китькстазе, што съездсь – тя народонь марстопфтомань пара кепотькс.
Васедемать пингста Н. П. Огаревонь лемса университеттсь филологиянь факультетонь деканц Иван Рябов азондсь мокшэрзянь кяльхненди ётафтомань сервизть тиеманц колга - тянь лангс максфт средстват госпрограммать потмоса. Тяни ни тестовай режимса покоди чат-бот Телеграмса, конац мольфти ётафтома искуственнай интелектть лезксонц вельде.
«Ингольнок ащи лама покодема: чат-ботсь, кода идь, конань эряви тонафтомс кяльти. Тя кить ушетксоц - пока тиф 10 % эрявикс тефнень эзда» - китькстазе Иван Рябов.
ГТРК «Мордовиянь», «Эрзянь правдань», «Мокшень правдань» национальнай редакциянь представительхне азондсть мокшень и эрзянь кяльхнень информационнай пространстваса, лувихнень и ваныхнень мархта покодемать колга. Ульсь китькстаф, печатлаф валть виец и авторитетоц,катк и сяда сидеста электроннайть, - сяка пяк оцю обществаса.
Артём Алексеевич кирдезе «Эрзянь правда» газетать главнай редакторонц Марина Девятовать инициативанц, конац сотф «Тюштянь налхксемат» национальнай налхкоматнень ётафтомаснон мархта национальнай СМИ-нь сотрудникнень участияснон мархта. Тяфта жа общественникнень мархта арьсеви проектснон ёткса – «Словарь ранней письменности Мордовии» книгась и «Иероглифы Мордовии».
Мордовия Республикань Оцюнять пресс-службац