Видеообращенияса службань сотрудникненди стихийнай бедствиянь последствиятнень урядамаснон и чрезвычайнай ситуациятнень, гражданскяй оборонань тефнень коряс Российскяй Федерациянь Министрсь Александр Куренков китькстазе, што сембе странать коряс тя илать васьфнесазь 300 тежяньда лама специалист. Эрьсь эздост тюри эряфть инкса – аньцек тя кизоть аралаф 400 тежяньда лама ломань.
Мордовиянь Оцюнясь китькстазе, што Россиянь МЧС-сь – тя араламань и кемамань символ. «Тячи васьфтезе эсь иланц спасательнай братствась, кона марстоптф благороднай цельса ванфнемс ломаттнень зиянда. Сюкпря теентть стабильнай оперативнай обстановкать инкса, сянкса, што аф нолятада оцю пожархт. Марнек тя кизоть республикаса ульсь кафта тежяньда лама пожар, тиф 11 тежятть выезд аварийно-спасательнай покодемас, аралаф эрь кодама обстоятельства пингста тежяньда лама ломань. Тя тинь эрь шинь трудонттень покодемань результатоц!» - китькстазе Артём Здунов.
Регионца кемоксневи материально-техническяй базась, Мордовя Республикать коряс Прявкс управленияв сашендыхть вооружениянди техникань и снаряжениянь тяниень пингонь кепотькст, синь ётксост кефкие од единица – тя кизоть.
Эрявикс значенияц сферать эса цифровизациять коряс покодемась. Тяфта, космическяй мониторингонь средстватне, пилотфтома авиационнай систематне, лесопожарнай обстановкань дистанционнай мониторингсь лезды емлалгафтомс чрезвычайнай ситуациянь последствиятнень тундань шадоттнень и пожароопаснай сезонтть пингста.
Ульсь китькстаф, што аф кунара Россиянь Президентть Администрациянц руководителенц полафтыец Сергей Кириенко макссь инь цебярь питнеть од ломаттнень мархта республикать покодеманцты – тонафнетяма зиянда ванфтома школава, МЧС-нь учебнай ошть палаточнай лагеренц видеса. Мордовиять опытоц кармай нолдаф тевс странань и лия регионга.
«МЧС-сь тячи – инь эрявикс и машты ведомствась оперативнай реагированиянь ладяф система мархта. Тяфтама цебярь образсь тиендеви мархтонтт – ломаттнень конкретнай ситуацияса. Тинь шинек-венек лездома саманттень аноксшинц инкса минь корхтатама теентть оцю сюкпря!» - илафтозень спасательхнень регионть руководителец.
Артём Здунов казсь государственнай наградат, а тяфта жа панжемат од специализированнай техникать эзда.
Республикань спасательхнень тяфта жа илафтозь Мордовиянь Госсобраниянь Председательсь Владимир Чибиркин, МР коряс прявкс федеральнай инспекторсь Анатолий Гулин, МР-ть Правительстванц Председателенц полафтыец Алексей Ежов. Саранскяень и Мордовскяй Митрополитсь Зиновий казсь МР-ть коряс Россиянь МЧС-ть управлениянцты святой праведнай воинть Феодор Ушаковонь иконанц.
МР-нь гражданскяй оборонань и чрезвычайнань тефнень коряс Госкомитетть Председателец Андрей Наумов азондозе, што спасательнай службась улеманц пингста няйсть эрь кодама пингт. Сон башка сюконясь Мордовскяй аварийно-спасательнай службань оцюняти Владимир Ахремкинонди покодеманкса, конац ащесь пцтай сонь появаманц васень шистонза. «Сонь учениконза – тя эсь лацонь специалистт, универсальнай солдатт,конат маштсазь семботь. Мода вакс прянь нолдама сембе минь спасательнеконди, пожарнаеньконди, службань ветераттненди. Минь профессияньке – тя эрямань образ. Минь эрятама эсь работаньконь мархта, а тя макссеви аньцек павазу ломаттненди!» - китькстазе Андрей Наумов.
Мордовия Республикать коряс Россиянь МЧС-ть Прявкс управлениянц оцюняц Сергей Репин приметазе, што тя илась аф анцек спасательхнень, но и УФСИН-нь, Минлесхозонь покодихнень, медикнень и правоохранительхнень. Сембе синь примсихть участия ломанень эряфть араламаса. «70 аралаф эряф тя кизоть – тят ломаттне, конатнень эряфсна шрьхксь сюреня лангса, конат афольхть ляд шиса минь лезксфтомонк. Тя ломанень павазс и семьятнень пара эряфс путфкс. Кенярдеда, што машттада каннема тяфтама кенярькс ломаттненди», - пшкядсь коллеганзонды ведомствань руководительсь. Сон тяфта жа китькстазе, што од техникась лезды пяшкотькшнемс ведомствать инголе путневи задачатнень нинге сяда лац.
Мордовия Республикань Оцюнять пресс-службац