Мордовиянь Оцюнясь Артём Здунов 18 декабрьста ульсь «Шумбрат, Мордовия!» народнай творчествань XXV республиканскяй фестивальть гала-концертса.
Концертть ушедомда инголе республикань вятись ванозе народнай ремеслань и декоративно-прикладной творчествань выставкать, корхнесь машты кядь ломаттнень мархта.
«Мордовиянь народно-художественнай промыслатнень колга содаза марнек Россиясь и сембе мирсь! - мярьгсь Артём Здунов. - Кеман, што народнай ремеслатне кармайхть эряма, а минь аноктама кирнемс тя отраслять ширенц, и сай кизоть ни мастероньке тянь марясазь»,
Мордовиянь Оцюнясь лятфтазе, што 2022 кизоть Россиянь Президентсь азозе народнай искусствань кизокс, а «Шумбрат, Мордовия!» фестивалень участникнень ули сембось, штоба няфтемс пряснон сембе странаса.
«Минь фестиваленьке, кеман, васьфтьсы и 50, и 100 кизонц, сяс мес эсонза — народоньконь ваймоц, - мярьгсь Артём Здунов. - Тя ся, мезсь сембонь минь пуропнесамазь марс, тя оцюдонга оцю вий!»
Эрь кизоня фестивальса участвондакшнихть эрь кодама кизоса, аф фкя лацонь профессиянь ломаттне, сембоц — 4 тёжяньда лама ломань.
«Мастерство земли мордовской» декоративно-прикладной творчествань выставкать эса эсь тифксонзон няфтезень эрь аймаксь, сембоц — 1 тёжяньда лама мастер.
Урусовскяй валенцятне, теньгушевскяй семицветкатне, Тавлань шуфтста керсеф налхкшне, котф лангс сёрмадомась, котфонь кодамась, гончарнай производствась, народнай костюпне, кедьста, понаста, металлста изделиятне и лама мезе лия — сембось афи лятфтави.
Республикань вятись азозе фестивальть фкя инь оцю событиякс регионть эряфса и концертть ушедомда инголе макссь личнай и коллективнай казнет участникненди, а стане жа сценическяй костюмонь стаманкса сертификатт и лятфнембяленди казнет.
Мордовия Республикань Оцюнять пресс-службац