Автобусонь производительхне няфтезь средняй и оцю классонь вместимостень техникать. Артём Здунов ванозень автобусонь тяниень пингонь салоттнень и водительть кабинетста оборудованиять.
«Газомоторнай топливань техникась сяда экологичнай и выгоднай. Тяфтама транспортонь эвондамась максы виияфтомс тянь коряс инфраструктурать – ков сяда лама тяфтама транспортта, тов сяда лама эвондай заправочнай станцияда. Тянь мельге сай пингсь», - китькстазе Мордовиянь Оцюнясь.
Няфтьф сембе образецне ладяйхть шумбрашинь ограниченнай возможность ломанень усксеманкса. Теест ладяй топливась – метан природнай газсь. Тяниень пингть Саранскяйть территорияса ули фкя автомобильнай газонаполнительнай компрессорнай станция и кафта многотопливнай заправочнай станцият.
Артём Здунов стане жа отмечазе, што, васендакиге, козякофтома Саранскяйса подвижной составсь. Арьсекшневи рамамс средняй классонь автобуст, конат работайхть метанца.
«Синь кочкамат ошеряйхнень мяльснон-арьсемаснон мяльс сявозь», - отмечазе региононь руководительсь.
Марса Артём Здуновонь мархта автобусонь образецнень ванозь МР-нь Правительствань Председательсь Владимир Сидоров, МР-нь Правительствань Председательть васенце заместителец Игорь Фрейдин, Мордовиянь транспортть и дорожнай хозяйствать коряс Госкомитетть председателец Валерий Кандрин и Саранск ошень Администрациянь представительхне.
Мордовия Республикань Оцюнять пресс-службац