Регионца од ломанень политикать колга корхтась 28 декабрьста Мордовиянь Оцюнясь Артём Здунов Мордовия Республикань спортонь и од ломанень политикань министрть васенце полафтыенц - од ломаттнень тевснон коряс управлениять начальникоц Анастасия Гришнёвать мархта васедемстонза.
Шарфтфоль мяль республикаса од ломанень политикань экосистемать пуроптоманцты. Главнай мяльсь — государственнай властень оргаттненди, конат заняфт од ломаттнень тевснон мархта, эряви виияфтомс общественнай объединениятнень мархта покодемать, конат работайхть од ломанень сообществать представителензон мархта, лезнемс теест.
Башка корхтафоль сай кизоня од ломанень мероприятиятнень ётафтомаснонды анокламать колга. «Оттненди цебярь возможность мумс эряфса эсь вастснон, водендакшнесть сембонь, катк пуропнихть опыт», - мярьгсь Артём Здунов.
Фкя инь оцю задачась, конань путозе региононь Оцюнясь, тя касфтомс развитиянь федеральнай институтонь грантовай конкурснень участникснон лувксснон. «Няфтесть ширетнень, а мяльдост-арьсемадост од ломаненьконь сатомшка — тя эряви аф нолдамс вакска, лездода мумс эряфса эсь вастснон», - китькстазе республикань вятись.
Мордовия Республикань Оцюнять пресс-службац