Артём Здунов: «Патриотизмась ушеткшни ёмла Родинать эзда»

Артём Здунов: «Патриотизмась ушеткшни ёмла Родинать эзда»

Сентябрьста Мордовияса ушедови студенттненди и школьникненди «Гордость моей Родины» республиканскяй конкурссь. Республикань Оцюнясь Артём Здунов корхтась конкурсти анокламать колга Правительствань члеттнень и Н.П.Огарёвонь лемса МГУ-нь представительхнень мархта.

Лятфтасаськ, што Мордовскяй госуниверситетонь преподавательхне май ковть ушетксста лиссть инициатива мархта республикань Оцюняти ётафтомс конкурс, и Артём Здунов сонь кирдезе.

«Конкурссь должен арамс сембе пингонь площадкакс ушеткшни исследовательхненди эрь кодама темас коре корхнеманкса, - мярьгсь сон. – Мон кеман, што патриотизмась ушеткшни ёмла Родинать эзда. Кода можна корхтамс оцю патриотизмать колга, кда ломаттне аф содасазь эсь посёлкаснон и ошснон историяснон, Мордовиять историянц и сят геройхнень, конат тяста лиссть».

Конкурсса участвондамати водендавихть вузонь и средняй специальнай тонафнемань заведениянь студенттне, а стане жа оцю классонь тонафнихне. Сяськихне получайхть дополнительнай преференцият республикань вусненди поступаманкса.
Мордовиянь Оцюнясь примазе предложениять арамс конкурсонь оргкомитетти руководителькс.

Корхтамаса примасть участия вице-премьерсь Галина Лотванова, МР-нь промышленностень, наукань и од технологиянь министрть васенце заместителец Сергей Кулебякин, Н.П.Огарёвонь лемса МГУ-нь васенце проректорсь Пётр Сенин, Россиянь историянь кафедрань преподавательхне.

Мордовия Республикань Оцюнять пресс-службац