Артём Здунов поздравляндазень профессиональнай праздник мархта Мордовия Республикань прокуратурань работникнень

Артём Здунов поздравляндазень профессиональнай праздник мархта Мордовия Республикань прокуратурань работникнень

12 январьста торжественнай церемонияса, кона лемтьфоль Россиянь прокуратурать пуроптомста 299 кизонь топодемати, Мордовиянь Оцюнять аф лама пингс тевонзон тиендисна Артём Здунов поздравляндазень ведомствань работникнень.

«Оцюдонга оцю история, пцтай 300 киза, кона кемоста сотф Российскяй империять, Советскяй государствать и тяниень Россиять историяснон мархта. Тяни тяфтама пингсь, мзярда прокуратурань оргаттне кода аш мзярдовок малат народти, сяс мес тинь ванфнесасть ломаттнень интересснон. Сюкпря теенть ся цебярь марстонь работать инкса, кона латцеви прокуратурань оргаттнень и республикань правительствать и руководствать еткса. Башка важна пуроптомс марс вийхнень сянкса, штоба лезкссь, конань макссесы государствась ашуфненди, эсь пингстонза и педа-пес пачкотькшнель адресаттненди. Тячи, поздравляндамок прокуратурань сотрудникнень, тянь колга корхтась Россиянь Президентсь В.В.Путин, фкя инь васенце задачатнень еткса азомок ломаттнень социальнай праваснон колсемаснонды кить персеманц», - мярьгсь Мордовиянь Оцюнять аф лама пингс тевонзон тиендисна.

Артём Здунов эсь выступлениясонза путсь задачат сяда товолонди. Васендакиге тя национальнай проекттнень эряфс етафтомасна, бюджетнай средстватнень целевойста тевс нолдамаснон мельге кеме контрольсь, а стане жа граждаттнень социальнай ширень кирдемаснон и питнень ладямать мельге ваномась, заработнай платать эсь пингстонза паннемац и коррупцияти каршек ащемась.

Прокуратурань оргаттнень эса цебярь работанкса Мордовия Республикань Оцюнять Благодарностенц мархта казьф Рустам Аберхаев, МР-нь прокуратурань следствиять, дознаниять, оперативно-розыскной тевть мельге ваномань управлениянь отделонь прокурорсь, и Тамара Князькина, Саранск ошень Ленинскяй райононь прокурорть старшай помощникоц.

МР-нь прокуратурань работникненди казнет стане жа макссть Мордовиянь Государственнай Собраниять Председателец Владимир Чибиркин и Мордовия Республикань прокурорть тевонзон тиендисна Леонид Перескоков.

 

Мордовия Республикань Оцюнять пресс-службац