Артём Здунов поздравляндазень связень отраслянь работникнень профессиональнай иласнон мархта

Артём Здунов поздравляндазень связень отраслянь работникнень профессиональнай иласнон мархта

Мордовиянь Оцюнять аф лама пингс тевонзон тиендисна Артём Здунов 13 майста примась участия торжественнай собранияса, кона лемтьфоль Радионь шити – связень сембе отраслятнень работникснон праздникснонды, кона етась Мордовскяй государственнай филармонияса – РДК-са. Мероприятиясь ушедовсь минута кашт аф молезь ащемаста, тяфта лятфтафтольхть Казаньца школаса шавфне.

Артём Здунов телевидениянь, радиовещаниянь, почтовай связень, а стане жа информационно-коммуникационнай технологиянь сферань работникнень мархта корхнемста азозе: «Тяни радионь шить минь васьфнесаськ, кода связень сембе отраслятнень работникснон иласнон, - китькстазе Артём Алексеевич. – Кизоста кизос тя сфераса работайхть коль сяда лама ломань, сяс мес од технологиятне сувсихть эряфозонк эрь кодама ширеса. Инголи тя ульсь проста связь, тяни и минь иденьке, и минь тинь мархтонт коль сяда сидеста варжакснетяма телефоттненди аф кода связень средствас, а кода информациянь получамань средствас. Минь полафнетяма даннайса, культурнай ширде вииякшнетяма, сяс связень сотрудникть вастоц эряфса коль касонды».

Артём Здунов спасибась связень сотрудникненди Мордовиять панчфокс панжеманкса работань вятеманкса. «Мялезе поздравляндамс сембонь сятнень, кие ащи рабочай вастса, населеннай пункттнень эса работайхть почтать мархта, кие кирнесы связть радиоть эзга, а тяни минь лама коммерческяй каналдонк, кие работай информационнай паксяса, кие виияфнесыне шабатненди од ширетнень информационнай налхксематнень эса, сембонь сятнень, кие отвечай минь информационнай безопасностеньконь инкса, а стане жа сятнень, кие максси тейнек од садомошит, тяконь лувксса государственнай структуратнень, информатизациянь и связень кизефкснень эса», - мярьгсь сон.

Мордовиянь Оцюнять аф лама пингс тевонзон тиендисна башка китькстазе сотрудникнень тевснон оцю смузенц. «Тага весть сембе арьсезевода сянь коряс, што XXI векста аф сяшкава пелькс ни атомнай оружиясь, а пелькс информационнай войнась. А тинь ащетяда информационнай безопасностть и ресурснень ванфтоманкса, - поладозе сон. – Арьсян сатфкст теенть и тинь семьянтенди».

Благодарностень башка валхт азфтольхть отраслянь ветераттнень лемс синь лама кизонь трудснон инкса, конань вельде тифоль отраслять кеме фундаментоц.

Отраслянь инь цебярь работникненди Мордовиянь Оцюнять аф лама пингс тевонзон тиендисна макссь казнет.


Мордовия Республикань Оцюнять пресс-службац