Пялькстоматне ётафтовихть 26 августста сявомок 30 августти молемс тёждя атлетикать коряс олимпийскяй резервань спортивнай школать видеса. Саранскяи састь пцтай тёжянь спортсмен странань региоттнень эзда.
Артём Здунов спасибась Россиянь дзюдонь Федерацияти, што Мордовиять столицац кочкаф турнирть ётафтоманкса, арьсесь пялькстомань участникненди сяськома.
Россиянь дзюдонь Федерациять президентонц Василий Анисимовонь лемста спортсметтнень и ваныхнень приветствондазень Федерациянь вице-президентсь Валентин Хабиров. Стане жа напутствиянь валхт азсь Спартакиадань главнай судьясь Алексей Мишин, греко-римскяй бороцямать коряс 2004 кизонь олимпийскяй чемпионць. Пялькстоматнень финалса примай участия и Мордовиянь командась.
Лятфтасаськ, дзюдось ащи республикати спортонь базовай видкс. Тядде спортсменоньке арсесть международнай пялькстомань призёркс и ПФО-нь первенствань и чемпионатонь призёркс, Россиянь первенствань медалистокс. 2022 кизонди странань сборнайти сувафтфт Мордовиянь колма спортсметтне.
Мордовия Республикань Оцюнять пресс-службац