Петербургскяй международнай экономическяй форумсь – уникальнай события экономикань и бизнесонь мирса. Тя ведущай площадка деловой кругонь представительхненди васетькшнеманкса-корхнеманкса и фкя инь васенце экономическяй кизефкснень ванондоманкса. Форумсь ётафтови Россиянь Президентть Владимир Путинонь патронатонц и участиянц пингста.
Петербургскяй международнай экономическяй форумть главнай темац – «Од мирсь – од возможностть». Основной деловой программась явф ниле пяльксова: «Од экономическяй порядкась: пяшкотькшнемок пингть веш фксонзон», «Россиять экономикац: од задачат и горизонтт», «Вииякшнемати инвестицият – инвестицият ломанти» и «Тяниень пингонь технологиятне ломаттненди: тиендемок ответственнай сай пинге».
Форумть мяльса кирдезь ётафтови бизнес-диалог Россиянь и Африкань, мала и ичкоздень Востоконь, Латинскяй Американь странатнень ёткса. Форумть площадкаса специальнай мероприятиятне – «Деловой двадцаткань» региональнай консультативнай форумсь, ёмла и средняй предпринимательствань VII Российскяй форумсь, «Лекарственная безопасность» Российскяй фармацевтическяй форумсь, Креативнай бизнесонь форумсь, од ломанень международнай форумсь, «Устойчивое будущее» платформась и лият.
16 июньцта Мордовиянь Оцюнясь примай участия «Здоровое общество» дискуссионнай площадкать работаса, коза пуромихть медицинскяй и научнай сообществань ведущай представительхне, кармай мольфтевома корхтама российскяй фармацевтическяй производительхнень ширеснон кирдеманц колга. Артём Здунов выступандай тя площадкаса спикеркс.
Стане жа республикань руководительсь ётафты васедемат российскяй оцю корпорациятнень,
государственнай структуратнень и бизнесонь руководительхнень, Россияса иностраннай государствань дипломатическяй миссиянь представительхнень, региононь оцюнятнень мархта, кемокстай сотрудничендамать колга соглашеният.
17 июньцта Артём Здунов примай участия форумть пленарнай заседаниясонза, коса выступандай Россиянь Президентсь Владимир Путин.
Мордовия Республикань Оцюнять пресс-службац