Артём Здунов Рузаевскяй районца панжезень мотокроссть коряс пялькстоматнень

Артём Здунов Рузаевскяй районца панжезень мотокроссть коряс пялькстоматнень

Мордовиянь Оцюнять аф лама пингс тевонзон тиендисна Артём Здунов 22 февральста примась участия тялонь мотокроссть коряс пялькстоматнень панжемаса, конат лемтьфтольхть Отечествань аралаень шити. Пялькстоматне етасть Рузаевскяй районца. Етафневихть синь омбоце кизось мельцек, участникнень лувкссот – Мордовиянь, Самарскяй, Рязанскяй, Саратовскяй, Ульяновскяй, Пензенскяй, Тамбовскяй, Нижегордскяй областень ведущай мотогонщикне.

Артём Здунов приветствондазень спортсметтнень и ваныхнень – сембонь, кие тя кельме шиня сашендсь тялонь трассати, штоба участвондамс спортивнай иласа.

«Тя спортонь пяк мазы вид, правильна, што пялькстоматне етафневихть Европань чемпионть мотогонщикть Андрей Гаврилкинонь лятфнеманкса, - мярьгсь Артём Алексеевич. – Кепси мяль, мес пялькстомас сашендыхть лия региоттнень эздовок, мес участникне аф фкя кизоса ломатть – инь емла мотогонщикти Артём Калинкинонди вете кизот!»

Од спортсменць получась республикань вятить эзда шлем.

Мордовиянь Оцюнять аф лама пингс тевонзон тиендисна путсь ушеткс пялькстоматненди, а меле, кода зритель, ванозень состязаниянь инь емла участникнень ардомаснон, а стане жа опытнай гонщикнень выступленияснон. «Няйфсь аф азовомшка салай мяль!» - азозе Артём Здунов.

 

Мордовия Республикань Оцюнять пресс-службац