«Студенческяй отряттне – тя пяк пара, тинь шарьхкодьсасть тянь лама-лама кизода меле, мзярда тинь эвондайхть ялганте марнек странать келес, - мярьгсь республикань руководительсь. – Фкя тевсь – проста аделамс вузть, а лия – мзярда ули трудовой стаженте, коса-бди работакшнетяда, кодама-бди проект коряс, ломань мархта. Минь республикасонк лама студенческяй отрятта – 22, и эрьсь ёткстост – тя профессионалонь отряд. Сяс мон теенть арьсян, штоба тинь ладязь и кепотьф мяльса ётафтолесть ня шитнень, мрдаледе, конешна жа, заработка и од содамоши мархта. Ламоцне ёткстонт молихть аноклафста, лиякс азомс ётасть тонафнема, минь карматама полаткшнемонза тя традициять и старандама, штоба ламоц студенттне ётнельхть тонафнема тяфтама трудовой стажировкада инголе».
Мордовиянь Оцюнясь казезень движениянь активисттнень и макссь студенческяй отряттненди 2022 кизонь трудовой семестрав путёвкат. Республикань студенттне кармайхть работама марнек странать келес – Камчаткаста сявомок Крыму молемс, стройкатнень, велень хозяйствань предприятиятнень, идень шумбрашинь кемоксни лагерьхнень эса.
Строительхненди тядде полады авань васенце строительнай отрядсь. Студенттне кармайхть заняфт животноводческяй комплекснень строямаса, а стане жа молихть покодема
Всероссийскяй студенческяй стройкав. «Волна» путиннай отрядсь ушеды трудендама Камчатскяй краень рыбохозяйственнай отрасляса. Студенттне-медикне кармайхть работама Новосибирскяйса «Академия» Всероссийскяй студенческяй медицинскяй отрядть составса и Карелия Республикань «МИР» межрегиональнай медицинскяй отрядть лувксса, а стане жа Кемеровскяй областень и Татарстан Республикань пчкафнемань учреждениятнень эса.
Мордовиянь Оцюнясь арьсесь сембонди удалаф трудовой семестра. Стане жа студенттне кульсть напутствиянь лямбе валхт Приволжскяй федеральнай округонь студотрядонь командирть Алексей Нагинонь и российскяй студотрядонь движениянь региональнай отделениянь командирть Владислав Дубковонь эзда.
Мордовия Республикань Оцюнять пресс-службац