Мордовиянь Оцюнять аф лама пингс тевонзон тиендисна Артём Здунов 19 февральста етафтсь рабочай васедема «Мик Энерго» компаниянь представительхнень мархта. Корхтамась мольфтевсь теплоэнергетикань сфераса марстонь работать колга, тяконь лувксса корхтафоль теплоснабжениянь объекттнень одкстоптомаснон квалма. Ванфтольхть компаниять и республикать еткса сотрудничендамань варианттне, тяконь лувксса концессионнай механизматнень вельде.
Мордовиянь Оцюнять аф лама пингс тевонзон тиендисна китькстазе: теплоэнергетикань объекттнень одкстоптомаснон мархта сотф кизефкссь тяниень пингонне республикати, уликс инфраструктурать модернизацияц и реконструкцияц максы касфтомс теплоснабжениять качестванц. Республикань вятись макссь поручения вице-премьерти Игорь Чадовонди, кона вятьсыне ЖКХ-нь кизефкснень, лац-ряц арьсемс тя сфераса марстонь работань кизефкснень коряс.
Мордовия Республикань Оцюнять пресс-службац