Артём Здунов: «Тейнек эряви ваномс иттненнь питанияснон мельге, вдь шить оцюшка пяльксонц синь етафнесазь школаса»

Артём Здунов: «Тейнек эряви ваномс иттненнь питанияснон мельге, вдь шить оцюшка пяльксонц синь етафнесазь школаса»

Шавшиста, 1 декабрьста, Саранскяйса панжевсь «Совершенствование системы питания в образовательных организациях» II Всероссийскяй конференциясь, конань етафнесы Россиянь Просвещениянь министерствась. Мероприятияса, кона етай дистанционно-очнай форматса, азсть мяль примамс участия 1500 участниксь странань сембе региоттнень эзда. Федеральнай ведомствать эзда ульсь Россиянь просвещениянь министрть васенце заместителец Дмитрий Глушко.

Конференциянь участникнень приветствондазень Мордовиянь Оцюнять аф лама пингс тевонзон тиендисна Артём Здунов. Сон азозе, што республикась тага лиссь пилотнай проект мархта, тя мезть школьникнень питанияснон коряс. 2009 кизоста сявомок Мордовиясь активнайста участвондась федеральнай эксперементса, тя проектть мархта фатяфоль школатнень 50 процентсна и школьникнень 80 процентсна. Сяда тов эряфс етафтфоль «Школьное питание» республиканскяй целевой программась.

«Сембе школатнень эса улихть пищеблокт и обедамань зонат. Пецек-пецек тевс сувафневи безналичнай оплатань системась, мезсь важна пандемиять пингста, - мярьгсь Артём Здунов. – Школьнай питаниять организацияц етафтф аутсорсингс, велень малокомплектнай школатнень эса питаниясь латцеви муниципальнай торгонь системать вельде, тевс ноляви пришкольнай участкать эзда продукциясь. Мордовиясь – васенце регионць, коса эряфс етафтфоль школьнай питаниянь республиканскяй программась. Тя вии экономическяй программа, коза сувсихть местнай производительхне».

Тиемс тянь республикати ульсь аф тяшкава стака, сяс мес Мордовиясь – велень продукциять производстванц коряс странань лидерхнень еткста фкясь. Тяниень пингть школьнай питаниянди пищевой продукцияса вешфксть 82 процентонц обеспечендакшнесазь республиканскяй предприятиятне. Школьникнень шраснон лангс пачфневихть свежай и натуральнай ярхцамбяльхть.

Тядде пси питания республикань школатнень эса получайхть школьникнень 96 процентсна, тя 70 тежяньда лама шабась. Питнефтома ярхцсихть шумбрашинь ограниченнай возможность мархта сембе шабатне, тевс сувафтфт ашу семьяста шабатнень ширеснон кирдеманкса социальнай мератне. Сяда тов аноклафоль и маластонь 5 кизотнень етафтфтови эряфс «Школьное питание» республиканскяй программась («Развитие образования в Республике Мордовия» госпрограммать рамкаса). 2 сентябрьста сявомок Мордовияса емла классонь сембе тонафнихне ярхцсихть школаса питнефтома – тя 30 тежяньда лама шабась.

Конференциять работанцты итогонь тиемста Дмитрий Глушко отмечазе местнай производительхнень мархта работать ладяманц коряс Мордовиять опытонц. «Важна ладямс тяфтама система, штоба местнай предприятиятнень улель возможностьсна пачфнемс эсь цебярь качествань продукцияснон школьнай столовайхненди, а школьнай питаниясь должен арамс качествань брендокс, тянди минь ерасаськ сатомс».

Мордовиянь Оцюнять аф лама пингс тевонзон тиендисна поладозе, што местнай производительхнень мархта марстонь работась тя ширеса мольфтеви сяда тов. «Корхтамась мольфтеви, васендакиге, качественнай и шумбра питаниять колга, - китькстазе Артём Здунов. – Тя пяк важна, вдь шить оцюшка пяльксонц шабатне етафнесазь школаса, и кда минь аф карматама ванома тянь мельге, мезе эста получатама? Сяс карматама мольфтемонза тя работать сяда тов».

 

Мордовия Республикань Оцюнять пресс-службац