Совещаниять ушедомда инголе региононь руководительсь ванозе Од ломанень центрать маласта территориять, конань азф мяль петемс-мазоптомс од ломанень пространства алу. Несколька кизода тяда инголе площадкать занцезе аварийнай садик, тяни муниципальнай тя территориясь лядонды шавоста. Мордовиянь Оцюнясь кирдезе инициативать ширенц, максомок поручения арьсемс-сьмекамс проектть и ётафтомс анокламань сембе мероприятиятнень.
Корхтамок Од ломанень центрать зданиянц колга, тяса эряви капитальнай ремонт, хуш мекольце кизотнень водендафоль ни эрь кодама источникста пцтай 7 миллиотт цалковай. Артём Здунов ванозень помещениятнень, тяконь лувксса цокольнай этажстотнень, конатнень, МРМЦ-нь директорть Алёна Куликовать валонзон коряс, цебярь ремонтонь тиемда меле ули кода нолдамс тевс пяк лац – художественнай студиянь и звукозаписень студиянь, коворкингонь, творческяй мастерскоень панжеманкса.
Совещаниять пингста МР-нь спортонь и од ломанень политикань министрть васенце заместителец – од ломаттнень тевснон коряс Управлениять начальникоц Анастасия Гришнёва азондсь «Регион для молодых» федеральнай программать эса участвондамань условиятнень колга. Сон отмечазе, што од ломанень экосистематнень тиемаснон колга Россиянь Президентть поручениянц коряс кемокстаф госпрограммать эряфс ётафтоманц колга распоряжения, конань мяльса кирдезь странань субъекттненди конкурсть вельде кармайхть нолдавома средстват. Тяда башка, арьсекшневи тиемс тя сфераса качествань единай стандарт.
«Улихть вешфкст, конатнень коряс кармай мольфтевома программань участникнень кочкамасна. Марса 2023 и 2024 кизоня региоттненди ули нолдаф пцтай 11 миллиард цалковай. Программать эса участвондамась максы тейнек касфтомс од ломаттнень лувксснон, конат водендавихть од ломанень программатненди, панжемс теест дополнительнай возможностть и кирьфтамс регионцта тушендыхнень лувксснон, - мярьгсь Анастасия Гришнёва. – Минь задачаньке тяни – пуроптомс заявка участвондаманкса и арамс тя программати пяльксокс».
Артём Здунов китькстазе, што од ломанень политикань сфераса сатф результаттнень аш кода кирьфнемс, сембе синь должетт лезнемс обеспечендакшнемс федеральнай центрать лезксонц.
Корхтамась мольфтевсь Од ломанень центрать зданиянц петеманц-тиеманц колга. Мордовиянь Оцюняти азондсть ся мероприятиятнень квалма, конат эрявихть ётафтомс, штоба обеспечендамс сонь парста работаманц. Тяниень пингть тяса покоди 79 специалист, но тяльги тяза 150 ломань. Кой-кона помещениятнень тячи аш кода нолдамс тевс.
«Тинь мяленте правильнайхть – тиемс мялень салай васта минь од ломаненьконди. Кошарятядязь аф панцемс оцю задачатнень и оцю объекттнень мельге – регионца тяфтама инфраструктура ули, и сонь теенть ули кода нолдамс тевс. Теенть тиемат условият профильнай васедемань ётафнеманкса и од ломаттнень мархта работаманкса. Штоба эрьсь маряльхце прянц тя вастса кода кудса!» - китькстазе Артём Здунов.
Мордовиянь Оцюнясь макссь порученият Саранск ошень округонь оцюняти Игорь Асабинонди и Мордовиянь строительствань и архитектурань министрти Алексей Гришакинонди. Тяда башка, сон отмечазе ПФО-нь од ломанень мероприятиятнень эса участвондамать эрявиксшинц.
Мордовия Республикань Оцюнять пресс-службац