17 апрельста Дубенскяй району рабочай поездканц рамкаса Мордовиянь Оцюнть аф лама пингс тевонзон тиендисна ульсь «Хорошее дело» и «Магма» компаниянь группатнень предприятиясост.
«Хорошее дело» агрогруппась заняф молочнай и мясной животноводстваса, растениеводстваса, ноляй саразонь, тувонь и траксонь сиволь. Келиста няфтьф молочнай направлениясь. 2017 кизоста сявомок мольфтеви 6400 оцю сюра жуватанди «Дубенский» молочнай комплексть строямац. Проектнай мощностсь кармай 52 тежяньда лама тонна лофца кизоти. Панжеви 130 рабочай васта. Шумордамс строяманц арьсекшневи 2023 кизоть самс. Комплексти сувайхть 6 корпуст стадать кирдеманкса, 2 потямань залхт, 7 телятникт. Сембе продукциясь кармай нолявома «Мечта» эсь перерабатывающай комбинатти. Продукциясь ушеды мишендевома Россияса и СНГ-нь странатнень эса.
Артём Алексеевич ванозе тевс сувафтф корпусть и корхнесь работникнень мархта. Тяниень пингть тоса трудендай 43 ломань. «Тняра рабочай вастсь велети – тя пяк пара. Но сембода важнайсь, штоба сембе тя рабочай васттне лац пандовольхть. Эста ломаттне кармайхть лядондома эряма и работама эсь родной велесост», - мярьгсь региононь вятись.
Стане жа МР-нь Оцюнять аф лама пингс тевонзон тиендисна ванозе «Магма Керамик» предприятиять. Тяса ноляви несколька видонь и тюсонь кирпич, кев и брусчатка. Продукциясь пачфневи Российскяй Федерациянь 50 регионц. Сембода оцю вешфкссь тяфтама кирпичти частнай кудонь строямста. Предприятиять ваномда меле Мордовиянь Оцюнять аф лама пингс тевонзон тиендисна Артём Здунов етафтсь рабочай васедема Сергей Сиушовонь, «Хорошее дело» и «Магма» ГК-тнень директоронь советснон председателенц мархта