Фестивальсь келиста содаф, пара койс коре тяса ули кода няемс рузонь, мокшень, эрзянь, татаронь культуратнень. Машты кядь ломаттнень тифкссна, национальнай ярхцамбяльхне, костюпне, налхксематне – эрьти ульсь кода кочкамс мяльс туф занятия. Фестивалень инжида ламоль – тяза сашендсть семьянек, шаба мархта.
«Минь сашенттама эрь кизоня «Кургоняв», тяса мялезонк. И тяддевок ашеме ляда ширеса, - азозь журналисттненди Саранскяйста мирттне Сардаефне. – И ламоц ялганьке тячи стане жа тясот».
Мордовиянь Оцюнясь ванозень сембе площадкатнень, нльне кштись Сузгарье велеста самодеятельнай артисттнень мархта. И, конешна, варжазе главнай танцтинять – мокшэрзянь кургонять.
Мордовиянь Оцюнясь приветствондазень инжихнень сценать лангста, китькстазе, што фестивальсь касонды кизоста кизос, сяс азсь мяль сувафтомс сонь республиканскяй илань календарти.
«Кеман, сон кармай арсема сядонга мялень салайкс. Минь обязательна ванфтсаськ эсь национальнай культураньконь!»
Мордовиянь Оцюнясь макссь государственнай кизнет рузаевецненди территориять социально-экономическяй виияфнеманцты путксонкса.
Райононь эряйхнень поздравляндазь республикань Госсобраниять Председателец Владимир Чибиркин и Рузаевскяй райононь оцюнясь Александр Юткин.
Мордовия Республикань Оцюнять пресс-службац