Артём Здунов ульсь П.Г.Смидовичень лемса Мордовскяй государственнай заповедникса

Артём Здунов ульсь П.Г.Смидовичень лемса Мордовскяй государственнай заповедникса

П.Г.Смидовичень лемса Мордовскяй государственнай природнай заповедниксь – Темниковскяй районца и республикаса туристическяй инфраструктурань основной объекттнень еткста фкясь, сон сувафтф Россиянь туроператорхнень сетьс. Тячи тяса ульсь Мордовиянь Оцюнять аф лама пингс тевонзон тиендисна Артём Здунов.

Ужяленди, тялонда ашель кода ваномс животнаень и касыксонь сембе козяшить, но Артём Алексеевиченди азондсть тя мазы вастть флоранц и фаунанц колга, тяконь лувксса ся экземплярхнень квалма, конат сувафтфт Российскяй Федерациянь Якстерь книгати.

Мекольдень кемонь кизотнень заповедникса виияфневи познавательнай экологическяй туризмась.

Экологическяй лагерень и экспедициянь участникненди эряма вастонь максоманкса, а стане жа семьянь келеса ваймосеманкса тяса панчфт кордотт и туристическяй базат. Заповедникть директоронц Александр Ручинонь валонзон коряс, 2010 кизоня кизоньберьф заповедникса ульсть 100 лама ломань, тяни – 10 тежяньцта сявомок 14,5 тежяньц молемс инжи странань сембе региоттнень эзда эрь кизоня.

Пушта поселкаса панчф визит-центра, келиста содаф экокись, 11 экологическяй турсь, Природань музейсь, конань экспозициянц пара мяльса ванозе региононь вятись. Сувенирнай лавкаса, кона работай заповедникть территорияса, Артём Здуновонди няфтезь народнай промыслань изделиятнень. Корхтама сянь колга, кода лихтемс мокшэрзянь умелецнень тифксснон мишендемань интернет-площадкатненди, а стане жа келептемс Темниковскяй районть туристическяй потенциалонц возможностензон, мольфтевсь Мордовиянь Оцюнять аф лама пингс тевонзон тиендиснон бизнес-сообществать мархта васедемасонза.

 

Мордовия Республикань Оцюнять пресс-службац