Агрофирмась – лама отраслянь хозяйства: птицеводствада и животноводствада башка тяса заняфт велень хозяйствань продукциять переработканц мархта и растениеводстваса.
Мордовиянь Оцюнясь ванозе, кода мольфтеви Лямбирскяй райононь паксятнень лангса озимойхнень видемасна. Тядде, кода азозе агрофирмать генеральнай директороц Александр Андин, сёронь производствась арай 120 тёжяньда лама тонна, зерновойхнень урожайностьсна – 52 центнерда лама гектарста. Сёроса кизоньберьфонь вешфксть предприятиясь 70 процентта пяшкотькшнесы эсь виензон мархта.
Хозяйстваса башка оцю васта занци птицеводствась. Тядде агрофирмась нолдай 90 тёжянь тонна нармонень сиволь.
Республикань Оцюнясь ванозе Лямбирскяй райононь Советское велеса бройлеронь касфнемать коряс од площадкать. Региононь руководительти няфтезь, кода мольфтеви локальнай очистной сооружениятнень строямасна. Проектть питнец 128 миллион цалковай. Нолдамс тевс очистной сооружениятнень арьсекшневи кизоть аделавомс.
Артём Здунов корхнесь агрофирмань руководствать мархта предприятиять виияфнеманц колга. Тячиень шити агрофирмаса трудендайхть 2250 ломань, среднемесячнай заработнай платась тядде арась 52 тёжянь цалковай.
Мордовия Республикань Оцюнять пресс-службац