Артём Здунов васетькшнесь Мордовия Республикаса «Ростелеком» ПАО-ть филиалонц од вятиенц мархта

Артём Здунов васетькшнесь Мордовия Республикаса «Ростелеком» ПАО-ть филиалонц од вятиенц мархта

19 июльста Мордовия Республикань Оцюнять аф лама пингс тевонзон тиендисна Артём Здунов етафтсь рабочай васедема «Ростелеком» ПАО-ть филиалонц директоронц Владимир Сухеевонь мархта. Васедемаса корхтафоль республикать и оцю технологиянь областьса провайдерть еткса сяда товолдонь сотрудничендамать колга.

Ванфоль «Интеллектуальный безопасный регион» и «Безопасный город» проекттнень эряфс етафтомаснон колга. Стане жа корхтамась мольфтевсь «Устранение цифрового неравенства» проектть квалма, конань мяльса кирдезь «Ростелекомсь» мольфтьсы 2G и 4G технологиятнень коряс сотовай связень базовай станциятнень строямаснон 100 ломаньцта сявомок 500 ломаньц молемс населения мархта населеннай пункттнень эса. Тядде арьсекшневи ладямс 8 тяфтама точкат. Июльста аделави монтажсь Ельниковскяй райононь кафта велетнень эса: Новоямскяй Слободаса и Старотештелимскяй Выселкаса.

Башка лоткафоль социальнай значения мархта объекттнень – ФАП-нень, культурань, образованиянь учреждениятнень интернетонь сетьти подключандамаснонды. Тя кизоня подключандави 252 учреждения, ладяви 396 вайгяльбень кувалмоса связень волоконно-оптическяй линия. Проектть мяльса кирдезь оптическяй волокнась пачфтеви 704 организацияти. Артём Здунов китькстазе, што тя важнай программа регионти – аф лоткси и вишке интернетть эзда ламода касонды максови услугатнень качествасна, тяконь лувксса велетнень эса.


Мордовия Республикань Оцюнять пресс-службац