Региононь федеральнай налоговай службань Управлениять покодемаса сатфксонзон колга 27 декабрьста корхтафоль Мордовиянь Оцюнять Артём Здуновонь МР-ть эзга Россиянь УФНС-ть вятиенц Светлана Вишняковать мархта васедеманц пингста.
Кода лувозе Управлениясь, тядде Мордовиянь консолидированнай бюджетти налоговай пандоматнень лувкссна (апак сявонть мяльс алкогольнай продукцияти акцизатнень) арась 32 миллиард 296 миллион цалковай. Тя 107,8 процент ладяф планти. Налоговай поступлениятнень лувксснон марстонь касомац — 116 процент.
Артём Здунов мярьгсь, што касондомась эряви ванфтомс сай кизотьке. Тяда башка, региононь вятись шарфтсь мяль Государственнай Собранияти Посланиять эса азфть пяшкодеманцты. Тяфта, УФНС-ти эряви эрьгавста вешендемс од дохотт регионть бюджетозонза.
Мордовия Республикань Оцюнять пресс-службац