Мордовиянь Оцюнять аф лама пингс тевонзон тиендисна Артём Здунов 22 июльста етафтсь рабочай васедема калонь кунцемать коряс Федеральнай агентствать Средневолжскяй территориальнай управлениянц вятиенц Вадим Ткачевонь мархта. Корхтафоль ведень биологическяй ресурснень мельге ваномань сфераса марстонь работать колга, а стане жа республикаса калонь кунцемань отраслять виияфнеманц квалма.
Васедемать пингста Артём Здунов шарфтсь мяль Мордовия Республикать эзга ведень биологическяй ресурснень ванфтомаснон мельге контрольти. Корхтамась мольфтевсь отделть штатонц касфнеманц и сонь материально-техническяй ресурсса козякофнеманц колга.
Нинге фкя эрявикс кизефкссь, конань китькстазе васедемаса Мордовиянь Оцюнять аф лама пингс тевонзон тиендисна, - тя республикань ляйхнень эса, васендакиге Мокшаса и Сураса калхнень лувксснон касфнемац. Штоба ушедомс эффективнайста решандакшнемонза тя прябалать, регионти эряви сувамс ведень биоресурснень ванфнемаснон коряс программати. Артём Алексеевич макссь поручения Вирень, охотничьяй хозяйствань и природопользованиянь министерствати арьсемс тя кизефксть коряс марса Росрыбаловствань Средневолжскяй управлениять Мордовия Республикать эзга биологическяй ресурснень государственнай контрольснон, надзорснон и ванфнемаснон отделонц мархта.
Мордовия Республикань Оцюнять пресс-службац