Мордовиянь руководительсь китькстазе, што тяфтама васедематне арсихть цебярь койкс, и тя пяк цебярь. Ламоцне участникнень эзда эрязста лезнихть питнефтома, кирнесазь общественнай инициативатнень. Тя, кепотьксонди, Денис Шапкарин, Иван Утенков, Владимир Выборнов, Александр Земченко, Артур Салякаев – сембе синь благотворительхть, конат лездыхть шачем ширеснонды, конат виензафнесазь тяса эсь бизнесснон.
Корхтамань участникне явсть эсь мяльснон-арьсемаснон мархта. Сембе согласиндасть: тяни ся пингсь, мзярда эряви улемс марс, сянь ёткса и важнай государственнай задачань пяшкодемста.
Республикань Оцюнясь шарфтсь мяль кафта ключевой направлениятнень лангс: тя регионца особай экономическяй зонань виензаманц лангс и СВО-нь участникнень идьснон кирдемасна.
Кода и фалу, корхтамась шуморьсь конкретнай действиянь планца. Васедемань участникне кирдезь мяльть тиемс Саранскяйть поволжскяй центракс арт-резиденттненди, примасть решения тиемс «Мордовия Арена» стадионтть набережнаенц цебярь ялга якаманди вастокс. Тяфта жа маластонь планца - кочкамс футбольнай и хоккейнай командат СВО-нь участникнень идьста.
Мордовия Республикань Оцюнять пресс-службац